आनंद वाद चिघन वस्तु ना कंडे

 ४  सप्टेंबर                                                                        "आनंदवाद चिघन वस्तु ना कंडे..."  

'घनदाट आनंदरूप ब्रह्म मी पाहिले. " हे पद याचा अर्थ नागलिंगाच्या एका शिष्याने लिहिले आहे. परमार्थातील अनेक श्रेष्ठ अनुभवांचे वर्णन यात आहे. 

"सूर्य नसताना सूर्यप्रकाश मी पाहिला. देहभाव विसरल्यावरच आत्मदर्शन व आत्मज्ञान होते असे कवि म्हणतात." तानु अल्लद तन्न तद्रुप मनयल्लि" असे ते म्हणतात. साधकाने स्वतः केलेल्या पुण्याचे हे फळ आहे. अंतःकरणातील आतल्या गाभ्यात निळा आरसा आहे. त्या आरशामध्ये निळे वर्तुळ आहे. त्या वर्तुळात खेळणारी 'वस्तु' काय आहे? असे कवि विचारतो - 'मंडळदोळगाडुवदेन्नम्मा"

गुरूकृपेंने उन्मनी अवस्था प्राप्त झाली म्हणजे देवाचे असे अपरूप व सुंदर रूप दिसते. सेरी उन्मनियोळु गुरूविन पुण्यदि घन 'वस्तु' दोरकितु यनगम्मा ‘‘यानंतरचे अनुभव असाधारण आहेत - त्याचे वर्णन करताना कवि म्हणतात, ‘‘पाण्याच्या मध्यभागात एक अश्वत्थ वृक्ष आहे. त्यास फुले नव्हती परंतु लहान, कोवळी, पिकलेली, फळे लागली होती व ती रसाने भरलेली होती. हुविल्ल मिडगायी हण्णम्मा' !

अमर्याद दाट अरण्यामध्ये एक घागर अमृताने भरून वाहात असलेली दिसली. ते अमृत पुनःपुन्हा आकंठ पिऊन मी फार सौख्याचे व आनंदाचे जीवन आक्रमीत होतो. "अखंड वनदोळु अमृत कोडु उक्कि उडुंडु सुखिसि बाळुवेन्नम्मा. यास जे दर्शन झाले ते आध्यात्मिक होते- ते कैलासाचे नव्हे व तेथे देवाच्या अंगावर सोन्याचे अलंकार नव्हते म्हणून ते वैकुंठही नव्हे - तर त्या अमर्याद आकाशामध्ये (लीलया इतस्ततः फिरणारे) काय होते ? (बैलोळगाडुवदेनम्मा) - -

कवी म्हणतो “केवळ माझे सद्गुरू - नागलिंग-यांच्या कृपेने मला सर्वोच्च व स्थिर मुक्ति प्राप्त झाली "

दैनंदिन ।। गुरूबोध ।। (२५३)

आनंद बाळ जोशी यांची फेसबुक वरील पोस्ट

मनाच्या उन्मनी अवस्थेत, सद्गुरूं प्रति उत्कट भावामध्ये स्वस्वरुप विलीन झाल्यामळे अनुभवाला आलेली चिद्घन आनंदमय जाणिव . खूप सुंदर रित्या पदावली मधे वर्णिली आहे. अनुवाद सोबत दिल्यामुळे त्याचा आनंद घेता आला. 

शेअर केल्याबद्दल धन्यवाद 🙏🌹

अनिरुद्ध कवीश्वर-