अंतर्मनात आपुलकी , आस्था असावी. ज्यांच्याकडे मनमोकळेपणाने रडता येईल , आपल्या साध्या गोष्टी हसण्यावारी उडवून लावल्या जाणार नाहीत , आपली दु:ख , व्यक्त केलेला मनस्ताप उघड्यावर मांडला जाणार नाही इतका विश्वास हवा . निष्कारण गैरसमज करुन घेतले जाणार नाहीत. ज्याची त्याची स्पेस दिल्या जाईल . मदत मागताना संकोच वाटणार नाही . कुठल्याही गोष्टीचा बाऊ केला जाणार नाही अशी निखळ मैत्री हवी . आनंद देता आला पाहिजे तसा तो घेता ही आला पाहिजे.
असे मित्र , मैत्रिणी ज्यांच्या आयुष्यात आहेत ते भाग्यवान . I am one of such person . I am lucky to have honest and broad minded friends .
मी त्यांच्या कडे सहज राहू शकतो , चटई वर , अंगणात , गच्चीवर कुठे ही पाय पसरुन झोपू शकतो. मैं बाहरगांव जा रहा हूॅं थोडा पैसा देकर रख असे ही सहज म्हणू शकतो. आज मी जेवायलाच येणार आहे कदाचित उशीर झाला तर थांबेन तुझ्याकडेच असं ही मोकळेपणी सांगू शकतो. किंवा मला भूक लागली आहे काहीतरी खायला दे असं मागताना मला संकोच वाटत नाही . किती ही महिन्यात , वर्षात प्रत्यक्ष भेट झाली नसली तरी मैत्रीत खंड पडत नाही. मनाची जवळीक तशीच असते. घराजवळ , दूर अशा अंतराचा फरक मनात रहात नाही.
आर्थिक , सामाजिक स्थानामुळे फरक पडत नाही . भेटीची ओढ तीच असते. मित्र असो वा मैत्रिण मनात ' मैत्र ' हा एकच समत्व भाव असतो.
I am happy and satisfied . मैं शुक्रगुजार हूॅं उपरवाले का जिसने ऐसे दोस्तों की महफिल में मुझे जगह दी है l 🌹🌹
अनिरुद्ध कवीश्वर-
