किती ही झालं तरी
बाप हा बाप असतो
पोटच्या पोरांसाठी
तो माय ही असतो
डोईवरचं केवळ
छत नाही
तो आभाळमाया धरतो
हातामधली ताकद
सा-या कुटुंबासाठी राबते
मन त्याचे
मुलांभोवती फिरते
लेक त्याची
जीव की प्राण
पुत्राच्या भविष्याचे
सदैव ठेवितो भान
आशा , आकांक्षा ,
जिद्द , आत्मविश्वास
सगळे मुलांसाठी
कळि काळास
अंगावर झेली
तेही मुलांसाठीच
कुटुंब त्याचे विश्व अन्
घरदार त्याची सृष्टी
मुलांच्या चेह-यावरील
आनंद ही त्यांची कमाई
मणभर मांस शरीरी झिलई
मजबूत खांदे , रुंद छाती
मुठभर आठवणी
क्षणभर विसावा
मन ओढ घेई
पुन्हा बाप दिसावा
अनिरुद्ध कवीश्वर-
🙏🏼🙏🏼🌹
No comments:
Post a Comment